Forgiven kuzinduliwa live Facebook

WAKATI watazamaji wengi wa filamu mbalimbali, wakiwa wamezoea kwenda katika majumba makubwa ya sinema kwa ajili ya uzinduzi wa sinema mpya hali imekuwa tofauti kidogo kwa filamu mpya ya Forgiven.
Leo Mei 27, 2017 filamu hiyo fupi itazinduliwa ‘live’ Facebook saa mbili usiku, ambapo mtazamaji atalazimika kuingia kwenye mtandao huo kupitia akaunti yake na kisha kuitafuta anuani maalum ya kuangalizia filamu hiyo ikiwa inazinduliwa.
Kwa mujibu wa mwandishi na mtozi wa filamu hiyo, Tega Baah, ‘Forgiven’ inayohusiana na ubakaji, matumizi ya dawa za kulevya na unyanyasaji wa kingono, itazinduliwa kwa njia hiyo ili wengi waweze kuiona na wala si watu wachache.
“Nimeamua kuizindua kwa njia hiyo, ili watu wengi wapate nafasi ya kuiona na kupata ujumbe mahsusi ulio kwenye filamu hiyo. Natamani kila mtu aitazame filamu hiyo live kupitia ukurasa maalum wa Facebook wa Forgiven” alisema Baah.