Brad Pitt: Sitaweza kuigiza kamwe Bollywood

MWIGIZAJI nguli kutoka Hollywood, Brad Pitt amemwambia staa wa Bollywood, Shah Rukh Khan (SRK) kwamba hana muda wa kuja kuigiza filamu nchini licha ya kuja kuitangaza kazi yake mpya ya ‘War Machine’ jijini hapa.
Brad Pitt alimwambia hayo SRK katikati mwa wiki hii, wakati War Machine ilipokuwa ikizinduliwa rasmi nchini; “Sitaweza kuigiza filamu zozote hapa Bollywood, kwani siwezi kufanya mambo muhimu mawili kwenye filamu zenu ambazo ni kuimba na kucheza.”
“Filamu za Kihindi za Bollywood zinakuhitaji ufahamu kuimba na kucheza, wakati mimi nikiwa sijui kabisa. Hivyo, itaniwia vigumu sana kuigiza hapa kwenu (Bollywood),” alisema Pitt.
Kwa upande wake, SRK alimjibu Pitt kwamba; “Hahahaa hahahaaa, unanichekesha rafiki yangu. Mbona hivyo vitu ni rahisi sana? Unaweza ukajifunza na ukaelewa haraka zaidi kuliko unavyodhani.”