Ndoa ya Laura, Kanu yazidi kupata neema

SISTA du wa Nollywood, Laura Ikeji ametoboa siri kwamba anatarajia kupata mtoto wake wa kwanza na mumewe, Ogbonna Kanu baada ya kuweka wazi picha zake zikimuonesha ni mjamzito.
Dada yake Laura aitwaye, Linda ndio alikuwa wa kwanza kupenyeza ubuyu huo kabla ya Laura mwenyewe kuweka picha zake na kuthibitisha taarifa hizo ambazo mwanzoni zilionekana kama tetesi.

“Ooh ni furaha kwangu na mume wangu pamoja na familia yetu kwa ujumla, ni wazi nimenasa tayari na Mungu akijalia nitaitwa mama hivi karibuni, ooh sipati picha namna ambavyo nitalia kwa furaha kusikia sauti ya mwanangu ikiniita mama,” anasema Laura.