Maskini Churchill kumbe anaugulia moyoni tu!

MFANYABIASHARA Oladunni Churchill ambaye ni mume wa King’asti anaesumbua Nollywood, Tonto Dikeh ameweka wazi hisia zake kwa mke wake huyo waliyetalikiana baada ya kusema bado anampenda na anatamani warudiane.

Kufuatia taarifa za kuachana kwa wanandoa hao mwezi uliopita, huku Tonto mwenyewe akionekana kutokua na mpango wa kurudiana na Churchill licha ya mumewe huyo kuonesha nia ya kurudisha majeshi.
“Najua mwenzangu ameenda mbali zaidi kiasi cha kufuta hata picha zangu na zile nilizopiga nae, lakini ukweli wa moyo wangu nikiri kwamba bado namuhitaji na ninampenda sana mke wangu,” anasema Churchill.