Mshoza awabwatukia wanaosema anajichubua

DIVA anayesumbua katika kurasa za magazeti nchini Afrika Kusini a.k.a Bondeni, Nomasonto Maswanganyi maarufu kwa jina la Mshoza amewapiga dongo watu wanaosema amejichubua huku akiwataka kumuacha huru na maisha yake.


Mshoza ambaye ni mwimbaji na mwigizaji amekuwa akipondwa na mashabiki  kupitia mitandao ya kijamii huku pia akiandamwa na vyombo vya habari baada ya kutokeza na muonekano mpya huku akionekana kuongezeka weupe tofauti na mwanzo ambapo alikuwa na rangi ya kawaida.
Anasema ni kweli alifanya upasuaji wa ngozi yake kwa lengo la kuongeza urembo zaidi huku akitumia muda mwingi kukanusha tuhuma za kuwa amekua akimuiga Rapa wa kimarekani, Nick Minaj lakini pia akieleza hajabadilisha rangi kwa kuwa anaichukia rangi nyeusi.

“S kweli kuwa naichuki ngozi yangu nyeusi ndio maana nikafanya upasuaji huu na kuwa mweupe pia sipendi watu wanavyoniambia kuwa namuiga Nick, nachoweza kusema ni kwamba mimi napenda urembo na nimefanya hivi ili kuzidisha mvuto kwa wanaonitazama”anasema.