Jay Moe hana mpango wa kukwea pipa

VETERANI anayetambana na wimbo wake wa Nisaidie Kushare, Jay Moe ameweka hadharani kwamba kama wapo wanaosubiri afanye collabo ya kimataifa basi wajue wanapoteza muda kwani kwa sasa hana mpango huo.

Mkali huyo wa Famous amesema tangu arejee rasmi kwenye game baada ya kitambo kirefu ametoa ngoma mbili tu, hivyo bado anahitaji kujijenga zaidi ili akiamua kukwea pipa kuzifuata collabo zilete matokeo mazuri na ifike mbali.
“Kwanza lazima nihakikishe natengeneza ngoma nyingi na kali zaidi, sasa hivi ninazo video mbili sasa hazitoshi kunifanya nikaombe collabo, ngoja nitoe chupa kadhaa kisha ndio nitafute msanii wa kimataifa,” anasema Jay Moe.