Amini ashindwa kupeleka zawadi kwa Linah

MSANII wa Bongo Flava, Amini amesema ameshindwa kupeleka zawadi ya aina yoyote wala salamu za pongezi kwa aliyekuwa mpenzi wake Linah ambaye kwa sasa amejifungua.
Akizungumza juzi, Amini anayetamba na wimbo wake mpya wa Yamoyoni , anasema taarifa za kujifungua kwa Linah alizipata na alichokifanya alimuombea tu kwa Mungu lakini ameshindwa kumpa zawadi.
Anasisitiza hadi sasa hajampongeza wala kumpelekea zawadi kwa sababu hajui anakaa wapi na wala hana namba zake za simu.
“Nilipojisikia amejifungua mtoto wa kike nikasema Mwenyenzi Mungu amfanyie wepesi na mtoto wake na waishi vizuri katika maisha yao,”anasema.
Amin anasema anatambua namna ambavyo Linah alikuwa anatamani kupata mtoto na sasa amebahatika kumpata.