Ommy Dimpoz ajitetea kuhusu picha za matajiri

MOJA ya story zilizosambaa katika mitandao mbalimbali ya kijamii zinamhusu msanii Ommy Dimpoz kuitwa ‘chawa’ akidaiwa kuwaganda baadhi ya watu wenye uwezo kifedha ambapo ameibuka na kukanusha na kueleza tatizo watu wanajadili picha bila kujua ukweli.

Ommy Dimpoz ametoa kauli hiyo baada ya kupiga picha na matajiri akiwa nao pamoja na kuishi maisha ambayo ni gharama. Pia picha anazopiga zinakwenda mbali.Hivyo Dimpoz anasema “ huwezi kuamini lakini safari yangu ya IBIZA nilikuwa kwenye show Malindi Kenya.

“Mwaliko niliupata toka kwa shabiki yangu. shakaji aliyenipeleka IBIZA nilimueleza kuhusu mipango yangu ya kazi akani-support katika video yangu ya Kajiandae.Pia nilipokwenda Dubai nilitumia Hashtag ya Hello Dubai nikapata dili Dubai la kutangaza Utalii wa Dubai.

“Watu wa Utalii wa Dubai walinilipa mkwanja kuweka picha nikiwa Dubai, wakanipa offer ya video pia,”anasema Ommy Dimpoz na kuongeza kwa sasa kasaini mkataba na Kampuni kubwa ya muziki ya RockStar4000 ambayo pia Alikiba amesainiwa.