Kivuli cha Flora bado chamtesa Emmanuel Mbasha

NI kama vile kivuli cha Flora Mbasha bado kinamtesa aliyekuwa mpenzi wake Emmanuel Mbasha.
Iko hivi, mwimbaji wa nyimbo za Injili Emmanuel Mbasha ameibuka na kudai hamfahamu mlimbwende Jacqueline Chuwa ‘Jack’ ambaye anadaiwa kuwa amemvisha pete ta uchumba.
Mrembo huyo amewahi kushiriki Miss Tanzania mwaka 2008 ambapo siku za karibuni ilidaiwa kuwa amevishwa pete ya uchumba na Emmanuel Mbasha.
Akizungumza wiki hii, Mbasha anasema hamfahamu mrembo huyo na hana mchumba wala rafiki wa kike kwa sasa.Picha aliyopiga akiwa dukani na shela, ilikuwa ni kwa ajili ya kuomba miujiza kutoka kwa Mungu ili apate mke mwema.
“Sina mchumba wala mpenzi na picha niliyoweka kwenye ukurasa wangu wa Instagram niliamua kupiga nikiwa nimeshika tu shela ili Mungu afanye jambo kwangu, nikipata mchumba nitawaambia mashabiki wangu,”anasema.