Amber Lulu agoma kushiriki video za wasanii

VIDEO Queen katika muziki wa kizazi kipya Amber Lulu kwa sasa amesema haitaji tena kuonekana kwenye nyimbo za wasanii akinengua.
Amber Lulu umaarufu wake kwa sehemu kubwa umetokana na kushiriki kwenye nyimbo za wasanii mbalimbali nchini zikwamo kwenye nyimbo kam Inde ya Dully Sykes na Harmonize na Bongo Bahati Mbaya ya Young Dee.
Akizungumza wiki hii anasema anachoangalia kwa sasa ni kufanya muziki wake na ndiko ambako ameamua kuelekeza nguvu zake na si kwenye kazi za wasanii wengine kama ilivyokuwa awali.
Anafafanua kwa sasa anachofanya ni muziki si video kwani ameshaingia kwenye muziki kwa hiyo kuendelea kufanya video kwa wasanii wengine ni kama vile anarudi nyuma jambo ambalo hayuko tayari kulifanya zaidi ya kusimamia muziki wake.
“Inatakiwa kama ni muziki wangu niufanye wa international au nizidishe sitaki kurudishana nyuma.Nimepata maoni mengi kwa mashabiki wangu na wengi wamenishauri kuhusu mambo ya muziki,”anasema.