Shilole aamua kumuachia Mungu

BINTI mwenye umbo lake la kuvutia  anayetesa kwenye muziki wa Bongo Fleva  Zuwena Mohammed ‘Shilole’ amesema amesikitishwa na kitendo cha watu kuingilia akaunti yake ya Instagram.
Akizungumza juzi Dar es Salaam, Shilole anasema mpaka sasa wanaendelea kuishughulikia akaunti hiyo irudi na hana mpango wa kufungua nyingine ila waliofanya hivyo wamemkosea na anamwachia Mungu afanye kazi yake.
Anasisitiza wazi hana mpango wa kufungua nyingine kwani kinachoendelea kwa sasa ni kuishughulikia ili aendelee kuitumia hasa kwa kuzingatia kuna watu wengi wanaijua.
Pia ndio anaitumia kupata wateja wengi hasa kwenye mambo yake ya biashara yakiwamo ya biashara za chakula na shoo mbalimbali.