Roshan amaamua kumzawadia mtalaka wake

SUPASTAA wa filamu nchini India, Hrithik Roshan ameshangaza mashabiki wake baada ya kuamua kumnunulia jumba la kifahari kimwana, Sussanne Khan ambaye ni mtalaka wake.
Roshan na Sussanne waliachana miaka miwili iliyopita lakini wamekuwa wakishirikiana katika mambo mbalimbali kutokana na kuzaa mtoto wa kiume ambaye anatajwa kuwa sababu ya wawili hao kukutana na kuwa karibu.
“ Sussanne ni mama wa mtoto wangu huwa tunashirikiana katika mambo mengi ya kimaendeleo haswa yanayohusu mtoto wetu, kuachana kimapenzi hakumaanishi tusiwasiliane na kuzungumza, na hata nyumba nimemnunulia ili akaishi na mwanangu,” anasema Roshan.