Sheebah kuja ngoma ya kimataifa

Kampala, Uganda

MWANAMUZIKI na densa mahiri nchini Uganda, Sheebah ameamua kulifanya soko lake kuwa la kimataifa baada ya kuanza kuandaa ngoma yake mpya anayotarajiwa kushirikiana na Solidstar wa Nigeria.

Sheebah ameamua kuzifuata nyayo za mastaa wengine Afrika Mashariki ikiwemo Eddy Kenzo, Jaguar, Joh Makini, Alikiba, Diamond na wengine wengi na kufanya collabo ya kimataifa.

Mwanadada huyo alikuwa ni mmoja wa wasanii ambao waliounda kundi la Obsession lililofanya vizuri kwenye miaka ya 2006 na baada ya kuvunjika kwa kundi hilo aliamua kufanya muziki kivyake.

Mwaka 2014 alifanya kazi yake aliyoipatia jina la Ice Cream na kuupa fursa ya kushinda tuzo Hipipo Music Awards za nchini Uganda mwaka wa 2014 na 2015 mtawalia.

Mwaka jana 2016, Shebaah alitamba kwenye ulingo wa sanaa na kibao Nkwatako, ambacho kiliweza kupenya na kugombea tuzo mbalimbali za ndani na nje ya Uganda.