HARDMAD KUJA NA BENDI INAYKWENDA KWA JINA LA KAKA ZAO

MSANII mahiri wa muziki wa reggae na ragga nchini, Ahmed Suleiman "Hardmad"anatarajia kuingia kambini muda wowote kwa ajili ya kuanza mazoezi kwa ajili ya kuunda bendi yake mpya itakayojulikana kwa jina la Kaka Zao.

Akichonga na burudanikilasiku jijini Dar es salaam alisema kwamba amefikia hatua hiyo baada ya kukamilisha hatua mbalimbali za kufanya muziki katika hatua hiyo. Alisema tokea hapo awali alikuwa na mawazo ya kumiliki bendi yake kwa nia ya kufanya muziki huo live kwa washabiki wake.

"Nilikuwa na mawazo haya tokea hapo zamani,so nimejipanga na sasa naona muda umefika wa mimi kuingia kambini na wasanii wangu" alisema Hardmad. Hardmad ambaye alitamba na vibao vyake kadhaa vikiwemo Tamala,Ni wewe alisema kila kitu kwa ajili ya ujaji wa bendi yake hiyompya kimekamilika na sasa anasubiri muda wa kuingia kambini tu.

"Nimeshapata wasanii wa uhakika,so bendi yangu itakuwa na wasanii 12,vijana na wenye uwezo mkubwa katika kutoa burudani nzuri kwa washabiki wetu" alisema. Alisema bendi yake inatarajia kuingoa kambini kwa muda wa miezi mitatu kwa nia ya kufanya mazoezi ya tungo zao na baada ya hapo bendi hiyo itaanza kufanya maonyesho yake.

Msanii huyo alisema bendi yake inatarajia kutumia mtindo wa Tam Rhumba ambapo itakuwa inapiga muziki wa ragga na reggae kwa washabiki wa muziki huo. Mbali na hayo alisema kwa sasa amejipanga kufanya video za vibao vyake viwili toka katika albamu yake mpya ya tatu, Imebaki Stori.

"Natarajia kufanya video za nyimbo zangu mbili,Amka ujitetee na Far away chini ya kampuni ya Visual Lab inayomilikiwa na Adamu Juma" alisema Hardmad Msanii huyo alisema mara baada ya kutoka kambini,bendi yake inatarajia kuanza kutoa burudani katika maeneo tofauti nchini kitu ambacho kitasaidia kuupa umarufu muziki wa aina hiyo ambao kwa sasa umefifia hapa nchini.

Source: James Nindi