Ukata wawatenganisha Swanky Jerry, Toto Dikeh

MWANAMITINDO maarufu nchini Nigeria, Jeremiah Obodo ‘Swanky Jerry’, amempoteza mteja wake mkubwa mwanadada nyota wa Nollywood, Tonto Dikeh.
Mwanadada huyo aliweka katika Instagram  yake akionekana kuomba fedha kutoka kwa mashabiki wake ili aweze kuendelea na mpango wake wa kusaidia wasiojiweza.
Lakini taarifa zinaeleza zaidi nyota huyo amekuwa na wakati mgumu tangu atengane na mumewe Olekunle ambaye alikuwa akimuhudumia kwa kila kitu.
Nyota huyo alianza kununua vitu mbalimbali ili aonekane bado yupo daraja la juu kutokana na kashfa ya kuachwa na mumewe.
Taarifa zinaeleza zaidi kutokana na nyota huyo kukosa watu wa kumuongoza amekosa soko kutoka kwa waandaaji wa filamu kitu ambacho kinamfanya asionekane katika filamu.
Kutokana na uchumi wake kuyumba, Tonto ameamua kuachana na mwanamitindo wake ambaye alikuwa akimfanyia vitu mbalimbali.