Shetta: Maisha yangu hayategemei muziki peke yake

MSANII wa Bongo Fleva Shetta a.k.a Baba Qayllah amesema licha ya kuwa ni msanii lakini hategemei kufanya muziki tu ili maisha yake yaende.
Bali kuna mambo mengine anayofanya na ndio maana hajawahi kuyumba kwenye maisha.
Shetta anasema amekuwa na kawaida ya fedha anazozipata kwenye muziki ambazo anaziingiza kwenye biashara kubwa na ndogo, hivyo anaendesha maisha yake bila kuyumba.
“Sitegei muziki peke yake katika maisha yangu bali nafanya pia na biashara ambazo nyingine ni biashara kubwa tu,”anasema.
Anafafanua baadhi ya wasanii wanayumba katika maisha kwasababu tu wanategema kufanya shoo lakini yeye amewekeza kwenye biashara na ndio maana wasiomfahamu wanamhusisha na biashara haramu.