Shamsa Ford ‘achezea za uso’ katika kuamua ugomvi

MSANII wa filamu nchini Shamsa Ford wiki hii amejikuta akipata jiraha usoni wakati akiamua ugomvi uliomuhusisha msichana wake wa kazi za ndani.
 Malkia huyo wa filamu amekutwa na mkasa huo ikiwa ni mwezi mmoja toka aibiwe akaunti yake ya Instagram yenye ‘followers’ zaidi ya milioni 2 ambayo imepatikana hivi karibuni.


 “Kwa moyo mmoja nilienda kuamulia ugomvi watu wasipigane mwisho wa siku nikaambulia mimi ngumi, huyu mtu alishiba sana aiseee ngumi ilikuwa nzito sana, niombeeni ndugu zangu panauma,” alisema Shamsa.
Shamsa aliongeza kuwa alipelekwa hospitali na mume wake, hata hivyo hana mpango wa kumfungulia mashtaka mtu aliyemsababishia majeraha hayo.