Salinko bado ana ndoto za ubunge

ACCRA, Ghana
MKALI anaekuja kwa kasi kwenye kiwanda cha filamu nchini Ghana, Abraham Kofi Davies a.k.a Salinko amesema licha ya jina lake kuanza kupasua mawimbi kwenye tasnia hiyo bado malengo yake ya kuwa mwanasiasa yapo pale pale.

Staa huyo aligombea nafasi ya ubunge kupitia chama cha PPP lakini alishindwa kufurukuta mbele ya mgombea wa NPP, Dk Kojo Appiah, huku mwenyewe akitamba kwamba pamoja na kushindwa bado anajivunia kwa hatua aliyofikia.

"Najivunia kila hatua nayopiga kwenye maisha yangu, pamoja na kwamba nimeshaanza kupata jina kwenye filamu bado ndoto yangu ni kuwatumikia waghana kwenye mambo ya kijamii, uchaguzi ujao nikiwa hai nitagombea tena, sijakata tamaa,"anasema Kofi.