Meneja wa Ali Kiba akiri kuogopa comment za mashabiki

BAADA ya kuwasili na tuzo yake ya msanii bora wa Afrika, Menejimenti ya Ali Kiba imejitokeza na kusema imekuwa ikipata presha pindi inapochelewa kutoa ngoma mpya ya staa huyo.
Hayo yamesemwa na Meneja wa Hitmaker huyo wa Aje, Seven Mosha ambaye amekiri kuwa hujikuta kwenye wakati mgumu pale mashabiki wanapokuwa wanahitaji kusikia kazi mpya ya msanii kwani muda mwingi hujikuta wanakiona cha mtema kuni.

“ Huwa tunakosa usingizi ukikutana na comment za mashabiki kwenye mitandao ya kijamii, lakini hiyo ndio imekuwa sababu ya sisi pia kufanya vizuri kwa sababu bila mafans kutupigia kelele muda mwingine tunaweza kujisahau,” Anasema Seven.
Seven alienda mbali zaidi baada ya kusema muda mwingine wamekuwa wakiacha kusoma comment za mashabiki pale wanapokuwa wamepost kitu kwenye Instagram.